Më 17 dhe 18 tetor 2024, 22 oficerë të Shërbimit Korrektues të Kosovës morën certifikimet për Instruktor të Reanimit Bazik (RB) nga Këshilli Evropian për Reanimim (ERC) pas një trajnimi dy-ditor të organizuar bashkërisht nga Njësia Korrektuese dhe Njësia Mjekësore e Misionit të Bashkimit Evropian për Sundimin e Ligjit në Kosovë (EULEX).

Ky trajnim certifikues u mbajt nga instruktorë të certifikuar me ERC të Njësisë Mjekësore të EULEX-it dhe u ka ofruar pjesëmarrësve njohuri dhe aftësi të rëndësishme për dhënien e ndihmës për të shpëtuar jetë në rastet e arrestit kardiak. Ky certifikim do t’u mundësojë instruktorëve të sapo certifikuar që të organizojnë në mënyrë të pavarur aktivitete trajnimi për Reanimacion për kolegët e tyre, për një mjedis më të sigurt nëpër burgje.

Ky është trajnimi certifikues i dytë i organizuar nga EULEX-i. I pari është organizuar në vitin 2022 për 13 zyrtarë të SHKK-së. Për më shumë, në të njëjtin vit, ky Mision i ka dhuruar 149 kuti të ndihmës së parë, shtatë komplete me pajisje për trajnime – përfshirë defibrilues për trajnime dhe kukulla për reanimim – si dhe pajisje të TI-së për të gjitha 11 qendrat e paraburgimit dhe ato korrektuese në Kosovë, për ta lehtësuar punën e instruktorëve të SHKK-së të certifikuar për RB.

Nga viti 2016, Njësia Mjekësore e EULEX-it, në bashkëpunim me Njësinë Korrektuese të EULEX-it, ka planifikuar dhe ka mbajtur trajnime Bazike për Reanimim për më shumë se 500 pjesëtarë të SHKK-së.