Këshilltari i EULEX-it për çështje gjinore, Antonius van der Velden sqaron se dhuna në bazë gjinore nuk i prek vetëm femrat.

“Megjithëse është e vërtetë se femrat preken më së shumti nga dhuna në bazë gjinore, një përqindje e caktuar më e vogël e viktimave janë meshkuj. Mos harroni se dhuna nuk do të thotë patjetër të jetë fizike. Viktimat mund të keqtrajtohen edhe në mënyrë psikologjike, seksuale ose ekonomike,” thekson Antoniusi, duke shtuar se ndonjëherë për viktimat e dhunës në familje është e vështirë që të flasin hapur për keqtrajtimin dhe ta raportojnë atë për shkak të ndjenjës së turpit, veçanërisht në shoqëritë e dominuara nga meshkujt.